នៅខែមករាឆ្នាំ 2025 ការលក់របស់ក្រុមហ៊ុនផលិតរថយន្ត EV ទាំងអស់របស់ចិនបានធ្លាក់ចុះបើប្រៀបធៀបពីខែមួយទៅខែមួយ លើកលែងតែ Geely ។ NIO បានធ្លាក់ចុះ 56%, Xpeng 17% និង BYD 42% ខណៈពេលដែល Geely បានកើនឡើង 4% ពីខែធ្នូ។ Li Auto បានលក់ចាញ់ក្រុមហ៊ុន EV ដែលទើបបង្កើតថ្មី Xpeng។

ការលក់របស់ក្រុមហ៊ុន Nio បានធ្លាក់ចុះពីឆ្នាំមុន ប៉ុន្តែការលក់ជាក្រុមបានកើនឡើងជាចម្បងដោយសារតែ Onvo Geely Auto គឺជាក្រុមហ៊ុនផលិតរថយន្តតែមួយគត់ដែលជំរុញការលក់រថយន្ត EV បើប្រៀបធៀបទៅនឹងខែធ្នូ បើទោះបីជាចូលឆ្នាំចិនក៏ដោយ។ តួរលេខរបស់ Xiaomi ក៏នៅតែខ្លាំងដែរ។

ឯកសាររបស់ក្រុមហ៊ុន ឬការអាប់ដេតប្រព័ន្ធផ្សព្វផ្សាយសង្គមនៅថ្ងៃទី១នៃខែនីមួយៗផ្តល់នូវស្ថិតិនៃការលក់បានទាំងអស់។ Xiaomi បានផ្តល់តួរលេខមិនច្បាស់លាស់ប្រហែលនឹង “20,000+” គ្រឿង។ រថយន្តថាមពលថ្មី (NEVs)—BEVs, PHEVs, និង FCEVs—ត្រូវបានលក់នៅក្នុងប្រទេសចិន។ ការលក់រថយន្តអ៊ីដ្រូសែនអគ្គិសនី FCEV របស់ចិនគឺមិនសូវជាបានច្រើនទេ។

BYD បានលក់រថយន្ត NEVs ប្រភេទដឹកអ្នកដំណើរបានចំនួន 296,446គ្រឿង នៅក្នុងខែមករា 2025 ធ្លាក់ចុះ 41.8% ពី 509,440គ្រឿង នៅក្នុងខែធ្នូ និងកើនឡើង 47.5% ពី 201,019គ្រឿងបើប្រៀបធៀបទៅឆ្នាំមុន។ Geely Auto បានលក់រថយន្តប្រភេទ NEVs ដឹកអ្នកដំណើរ 121,071គ្រឿង នៅក្នុងខែមករា ឆ្នាំ 2025 កើនឡើង 4.2% ពី 116,206គ្រឿង នៅខែធ្នូ និង 83.9% ធៀបនឹង 65,959គ្រឿង កាលពីឆ្នាំមុន។ HIMA បានលក់រថយន្ត EV 34,987គ្រឿង នៅក្នុងខែមករា ធ្លាក់ចុះ 29.3% ពី 49,474គ្រឿង នៅខែធ្នូ។

Xpeng បានលក់រថយន្ត NEVs ប្រភេទដឹកអ្នកដំណើរចំនួន 30,350គ្រឿង នៅក្នុងខែមករា ឆ្នាំ 2025 ធ្លាក់ចុះ 17.3% ពី 36,695គ្រឿងនៅក្នុងខែធ្នូ និងកើនឡើង 267.9% ពី 10,668គ្រឿង នៅឆ្នាំមុន។ Mona ដែលជាម៉ាកយីហោកម្រិតទាបរបស់ Xpeng បានជំរុញការលក់ពាក់កណ្តាលរបស់ខ្លួន។ ខែមករា ឆ្នាំ 2025 យើងឃើញថា Li Auto លក់ NEVs ប្រភេទដឹកអ្នកដំណើរបាន 29,927 គ្រឿង ធ្លាក់ចុះ 48.9% ពី 58,513គ្រឿងនៅក្នុងខែធ្នូ និង 4.0% ពី 31,165គ្រឿងនៅឆ្នាំមុន។

ក្រុមហ៊ុន Nio បានលក់ NEVs ប្រភេទដឹកអ្នកដំណើរចំនួន 13,863គ្រឿងនៅក្នុងខែមករា ឆ្នាំ 2025 ធ្លាក់ចុះ 55.5% ពី 31,138គ្រឿងនៅក្នុងខែធ្នូ ប៉ុន្តែកើនឡើង 37.9% ពី 10,059គ្រឿងនៅ ឆ្នាំមុន។ មានតែ L60 SUV ប៉ុណ្ណោះដែលលក់បាន 5,912 គ្រឿងសម្រាប់ក្រុមហ៊ុន Onvo ធ្លាក់ចុះ 44% ពី 10,528គ្រឿងនៅក្នុងខែធ្នូ។ អ្នកវិភាគជាច្រើនបានប៉ាន់ស្មានថា រថយន្ត Onvo និង Nio ជាពិសេសរថយន្ត ES6 SUV អាចនឹងដណ្តើមទីផ្សារគ្នា។

ក្រុមហ៊ុន Xiaomi បានលក់រថយន្ត SU7 ជិត 20,000 គ្រឿង ដែលជារថយន្តតែមួយគត់របស់ខ្លួន។ China EV DataTracker ប៉ាន់ប្រមាណថាការលក់ នៅខែមករាមានចំនួន 21,960 គ្រឿងធ្លាក់ចុះ 12.3% ពី 25,035 នៅក្នុងខែធ្នូ។