រថយន្ត Toyota Prius Plug-in Hybrid Saloon ដ៏ជោគជ័យបំផុតបានបង្ហាញខ្លួននូវបច្ចេកវិទ្យា Geo-fening និង Digital Key ថ្មី។ វាបង្កើនចម្ងាយផ្លូវជិះបានរហូតដល់ 109.4 គីឡូម៉ែត្រនៅលើថាមពល​អគ្គិសនី​នៅក្នុង​ទីក្រុង។

អ្វីដែលថ្មីសម្រាប់ឆ្នាំ 2025 នោះគឺរថយន្តជប៉ុនធ្វើបច្ចុប្បន្នភាពទៅលើប្រសិទ្ធភាព និងការគ្រប់គ្រងថាមពល។ ជាពិសេស ម៉ូឌែលថ្មីនេះ ទទួលបានការណែនាំនូវបច្ចេកវិទ្យាទំនើបថ្មីៗមួយចំនួនជាស្តង់ដារ រួមទាំងប្រព័ន្ធហ៊ុមព័ទ្ធភូមិសាស្ត្រ(​Geo fencing system) ដ៏ឆ្លាតវៃ និង Digital Key សម្រាប់​ស្មាតហ្វូនផងដែរ។

នេះជារបៀបដែលវាដំណើរការ៖

យោងតាមក្រុមហ៊ុន Toyota ចាប់ពីឆ្នាំម៉ូដែលថ្មីនេះ រថយន្ត Prius នេះនឹងអាចគ្របដណ្តប់ចមង្ងាយផ្លូវ បានរហូតដល់ 85 គីឡូម៉ែត្រជាមួយនឹងការបំភាយឧស្ម័នស្មើរសូន្យយោងតាមវដ្តរួមបញ្ចូលគ្នានៃ WLTP ដែលជាតួលេខដែលអាចកើនឡើងដល់ 109.4 ម៉ាយក្នុងវដ្តទីក្រុង ក៏ដូចជា WLTP ផងដែរ។

នេះគឺជាការកែលម្អយ៉ាងច្រើនទៅលើចម្ងាយ 69 គីឡូម៉ែត្រដែលបានប្រកាសនៅក្នុងបទបង្ហាញកាលពីឆ្នាំ 2024 ដែលម៉ូឌែលដែលប្រើប្រាស់ថាមពលតិច និងមាន​ប្រសិទ្ធភាពបំផុតនោះគឺ 0.5 លីត្រ/100 គីឡូម៉ែត្រ (240.5 គីឡូម៉ែតលីត្រ) ជាមួយនឹងការបញ្ចេញ CO2 11 ក្រាម/ គីឡូម៉ែត្រ។ ដំបូល photovoltaic ក៏មានសម្រាប់បញ្ចូលថ្មឡើងវិញផងដែរ ដោយផ្តល់ចម្ងាយរហូតដល់ 8.7 គីឡូម៉ែត្រក្នុងមួយថ្ងៃ។

តើ Geo-fencing គឺជាអ្វី៖

ប្រព័ន្ធហ៊ុមព័ទ្ធភូមិសាស្ត្រ(Geo-fencing system) គឺជាការច្នៃប្រឌិតដ៏សំខាន់មួយនៅក្នុងជួរ Toyota Prius 2025 ដែលវិភាគស្ថានភាពផ្លូវ និងផ្លូវត្រាចរធម្មតា ដើម្បីបង្កើនប្រសិទ្ធភាពការប្រើប្រាស់ថ្ម។ ប្រព័ន្ធដែលយើងធ្លាប់ស្គាល់ រួចមកហើយនៅក្នុងម៉ូដែលមុនៗ អាចប្តូររថយន្តពី hybrid ទៅជាប្រើអគ្គិសនីសុទ្ធ​ដោយស្វ័យប្រវត្តិ និងរក្សាទុកថ្មសម្រាប់ការធ្វើដំណើរនៅពេលក្រោយ​ពេលមានតំបន់ចរាចរណ៍ ​ដែលបានដាក់ កំហិតទុកសម្រាប់យានយន្តអគ្គិសនី។

ប៉ុន្តែនោះមិនមែនទាំងអស់នោះទេ ដោយសារតែលក្ខណៈស្តង់ដារថ្មីផ្សេងទៀតរួមមានប្រព័ន្ធសោឌីជីថលថ្មី ដែលអនុញ្ញាតឱ្យរថយន្តអាចចូល និងចាប់ផ្តើមបានតាមរយៈស្មាតហ្វូន និងឆ្នាំងសាកស្មាតហ្វូនឥតខ្សែដែល​ខ្លាំងជាងមុន​នៅចន្លោះកៅអីខាងមុខ។ ជាចុងក្រោយ និយាយអំពីសុវត្ថិភាព ប្រព័ន្ធ Toyota Safety Sense ជាមួយនឹងជំនួយអ្នកបើកបរកម្រិតខ្ពស់ និងមុខងារការពារគ្រោះថ្នាក់ នៅតែមកជាមួយរថយន្តជាស្តង់ដារ។

ដោយក្រុមហ៊ុនតូយ៉ូតា