ក្រុមហ៊ុនផលិតរថយន្តប្រណិតរបស់អាមេរិកបានបង្ហាញរូបរាងថ្មីនៃរថយន្តដ៏ធំបំផុតរបស់ខ្លួន សម្រាប់ឆ្នាំ 2025 គឺ រថយន្តCadillac Escalade IQ ។ វាមានរូបរាងថ្មី អេក្រង់ថាច់ស្ក្រីនដ៏ធំ ហើយសម្រាប់អ្នកដែលចូលចិត្តរថយន្តនេះ ប្រភេទ Escalade-V ក៏នឹងបន្តរយៈពេលមួយឆ្នាំទៀតផងដែរ។
តាមប្រភពពីខ្មែរខាស៍ដៀល – ចំនួនរថយន្ត Cadillac Escalades ដែលនាំចូលមកកម្ពុជា គឺនៅលេខ ២ បន្ទាប់ពី Lexus LX570 ហើយចំនួននេះគឺអាចប្រៀបធៀបបានទៅនឹង រថយន្ត Land Rover Defender ដែរ។
ប្រសិនបើរថយន្ត Escalade ប្រើសាំង មើលទៅស្រដៀងទៅនឹង រថយន្តអគ្គិសនីរបស់វា នោះដោយសារតែ Cadillac បានខ្ចីការរចនាចង្កៀងពីម៉ូដែល IQ និងរថយន្ត EVs ផ្សេងទៀតរបស់ Cadillac។ ចង្កៀងបញ្ឈរមុខ ជាមួយនឹង LED តុបតែងជ្រុងនីមួយៗនៃកាង ផ្លាកសញ្ញា Cadillac ត្រូវបានបំពាក់អំពូលបំភ្លឺ ដែលមាននៅលើម៉ូដែល V-Series ឡើងទៅ សូម្បីតែសំណាញ់ ខាងមុខក៏ត្រូវបានបំភ្លឺផងដែរ។
ទ្វារបិទបើកស្វ័យប្រវត្តិ អេក្រង់ដ៏ធំនៅលើតាបឡូដែលមានទំហំ 55.0 អ៊ីញពីម្ខាងទៅម្ខាង ហើយអ្នកបើកបរទទួលបានអេក្រង់ទំហំ 35.0 អ៊ីង អ្នកដំណើរខាងមុខទទួលបានអេក្រង់ប៉ះទំហំ 20.0 អ៊ីង ជាមួយនឹងសមត្ថភាពស្ទ្រីមវីដេអូផងដែរ។ មានភ្ចាប់ជាមួយ Wireless Apple CarPlay និង Android Auto មកជាស្តង់ដារ ហើយសម្រាប់អ្នកដំណើរនៅជួរទីពីរ ក៏អាចទទួលបានអេក្រង់ Touch ទំហំ 12.6 អ៊ីង ជាមួយនឹងកញ្ចប់ Option Executive Second Row។
Escalade ឆ្នាំ 2025 មានម៉ាស៊ីន V-8 ចំណុះ 6.2 លីត្រដែលដូចគ្នានឹងឆ្នាំមុនដែរ បង្កើតកម្លាំងបាន 420 សេះ និងកម្លាំងបង្វិល 460 ផោន-ហ្វីត។ វាត្រូវបានផ្គូផ្គងទៅនឹងប្រអប់លេខស្វ័យប្រវត្តិ 10 ល្បឿន។ ដំណឹងអាក្រក់សម្រាប់អ្នកចូលចិត្តប្រើម៉ាស៊ូតទាំងអស់គឺម៉ាស៊ីន Duramax ចំណុះ ៣.០ លីត្រមិនត្រូវបានបំពាក់នៅលើរថយន្តស៊េរីថ្មីនេះទេ។ ទោះជាយ៉ាងណាក៏ដោយ Escalade-V នៅតែមានម៉ាស៊ីន V-8 ចំណុះ 6.2 លីត្រ supercharged ដែលបង្កើតកម្លាំងបាន 682 សេះ និង 683 ផោន-ហ្វីត។
Escalade-V ក៏ទទួលបានការបង្កើនសមត្ថភាពមួយចំនួនផងដែរសម្រាប់ម៉ូដែល Performance ។ ផ្នែកខាងមុខកាន់តែមានភាពកាចជាមុន និងមានសំណាញ់ខាងក្រោមធំជាងមុន សម្រាប់បង្កើនខ្យល់ត្រជាក់សម្រាប់ម៉ាស៊ីនអោយកាន់តែប្រសើរ។ នៅផ្នែកខាងក្នុងក៏មានការរំលេចនូវសរសៃកាបូនបន្ថែមទៀតដែលហ៊ុំព័ទ្ធដោយស្បែកពណ៌ខ្មៅ Jet Black ។ ក្រៅពី Escalade option ធម្មតា រាល់ Escalade option ដទៃទៀតទាំងអស់ទទួលបាន Magnetic Ride Control 4.0 ចុងក្រោយបង្អស់ជាមួយនឹងប្រព័ន្ធប៉ូម Air Ride adaptive suspension ហើយនិង Super Cruise មានមកជាស្តង់ដារទូទៅទាំងអស់។
រថយន្ត Cadillac Escalade និង Escalade-V ស៊េរីឆ្នាំ 2025 នឹងចេញលក់នៅចុងឆ្នាំនេះ ប៉ុន្តែក្រុមហ៊ុនមិនទាន់ចេញតម្លៃនៅឡើយទេ។ បច្ចុប្បន្ន Escalade ស៊េរីឆ្នាំ 2024 មានតម្លៃចាប់ផ្តើមនៅប្រហែល USD 330,000 ។
