យោងតាមព័ត៌មានអនឡាញ Toyota, Toyota Prius គឺជាយានជំនិះដ៏ខ្លាំងបំផុតមួយ ដែលនឹងឈរជើងនៅលើទីផ្សារជាច្រើនជំនាន់ទៅមុខទៀត។ វានៅតែបន្តផ្តល់ហេតុផលដល់អ្នកបើកបរក្នុងការទិញ រថយន្ត Prius មួយគ្រឿងទៀត។
“នៅក្នុងអ្វីដែលជាកំណត់ត្រាពិភពលោក Guinness អ្នកបើកបររថយន្ត លោក Hypermiler Wayne Gerdes បានបើករថយន្ត Prius LE ពីក្រុង Los Angeles ទៅកាន់ក្រុងញូវយ៉ក ដោយទទួលបានងារមួយថា ជារថយន្តដែប្រើប្រាស់ប្រេងឥន្ធនៈទាបបំផុតសម្រាប់ការបើកបរពីឆ្នេរម្ខាងទៅឆ្នេរម្ខាងទៀតនៃប្រទេស។ Toyota បាននិយាយក្នុងសេចក្តីប្រកាសព័ត៌មានមួយនៅថ្ងៃនេះថា រថយន្ត Prius LE ស៊ីសាំងជាមធ្យម 149.91 គីឡូម៉ែត្រក្នុងចំនួន 3.78 លីត្រ។
ផ្អែកលើទីភ្នាក់ងារការពារបរិស្ថានអាមេរិក (EPA) ជាធម្មតា Prius ជិះបានចំងាយ 181.85 គីឡូម៉ែត្រដោយប្រើប្រាស់សាំងចំនួន 3.78 លីត្រ បើប្រៀបធៀបទៅនឹង Tesla Y អាចបើកបាន 188.29 គីឡូម៉ែត្រ ក្នុងការបើកបរលើផ្លូវហាយវេ។ ប្រសិនបើយើងបើកបរក្នុងប្រទេសកម្ពុជា ពួកគេនឹងមិនអាចផ្តល់ចំងាយតាមការប៉ាន់ប្រមាណទាំងនេះបានទេ។
សូមក្រឡេកមើលពីរបៀបដើម្បីសម្រេចបាននូវប្រសិទ្ធភាពស៊ីប្រេងតិចនៃរថយន្តរបស់អ្នក មានវិធីសាស្ត្រមួយចំនួនដែលយើងអាចរៀនពីនេះបាន ដោយយើងអាចបន្ថយការជាន់ហ្គែរបង្កើនល្បឿនពេលចាប់ផ្តើមចេញដំណើរ ហើយជាន់ហ្គែរថេរនៅពេលបើកបរ។
ដកជើងចេញពីហ្គែរនៅពេលដែលអ្នកឃើញមានការឈប់នៅខាងមុខ ហើយប្រើទំងន់របស់រថយន្តដើម្បីបន្ថយល្បឿននោះវាជាការអស្ចារ្យសម្រាប់ការសន្សំសំចៃប្រេង។ អ្នកមិនចាំបាច់បង្កើនល្បឿននៅពេលមានភ្លើងក្រហមនៅខាងមុខប៉ុន្មានម៉ែត្រទេ ហើយអ្នកគួរតែដកជើងពីហ្គែរនៅពេលដែលឃើញភ្លើងស្តុបឡាននៅខាងមុខ។
នេះមានន័យថា អ្នកចាប់ហ្វ្រាំងកាន់តែតិច ដែលធ្វើអោយស្បែកហ្វ្រាំងមិនឆាប់សឹក ប្រលែងហ្គែរបានច្រើន និងបង្កើនប្រសិទ្ធភាពស៊ីសាំងតិចរបស់រថយន្តអ្នក។ គន្លឹះមួយចំនួនទាំងនេះអាចធ្វើអោយអ្នកក្លាយជាអ្នកបើកបរបានប្រសើរជាងមុន ដោយមិនចាំបាច់ជាន់ហ្គែរគ្រប់ពេល ដោយមិនគិតពីប្រភេទរថយន្តដែលអ្នកបើកបរ Hybrid, PHEV ឬអគ្គិសនីពេញលេញ នោះទេ។