ថ្ងៃទី ០៤ ខែ មេសា ឆ្នាំ 2024 ភ្នំពេញ – ក្រុមការងារ Khmer Car Deal  បាន​ចូលរួមសន្និសិទកាសែតជាលើកទី ២ នៅក្រុមហ៊ុន RMA Cambodia គឺជាក្រុមហ៊ុនដែលនាំចូលនូវរថយន្តនូវម៉ាកល្បីៗ លើពិភពលោក និង ចែកចាយផ្តាច់មុខសម្រាប់រថយន្ត Land Rover ជាក្រុមហ៊ុនផលិតរថយន្តដ៏ធំបំផុត របស់ពិភពលោក ហើយជាក្រុមហ៊ុនតែមួយគត់ដែលមានសិទ្ធលក់ និង ចែកចាយរាល់ផលិតផលរបស់ Land Rover នៅប្រទេសកម្ពុជា។ ​គោលបំណងនៃសន្និសិទកាសែតនេះគឺ ដើម្បីបង្ហាញអំពីការប្រើប្រាស់រថយន្ត Range Rover អោយកាន់តែប្រសើរឡើងនិង ស្រាយបំភ្លឺនៅចម្ងល់ មួយចំនួនពីមហាជនដែលទាក់ទងទៅនឹងរថយន្ត Land Rover ដែលថ្មីៗនេះ បើយោងតាមព័ត៌មានក្នុងស្រុក មានករណីឆេះរថយន្ត Range Rover ម្តងទៀតនៅលើផ្លូវល្បឿនលឿនភ្នំពេញ-ព្រះសីហនុ។ ក្នុងនោះដែរក៏មានសំណួរជាច្រើនបានចោតសួរទៅលោក Sajai Nalupurakkal  ប្រធានផ្នែកសេវាកម្មជួលជុលរបស់ក្រុមហ៊ុន Land Rover Cambodia

ហេតុអ្វីបានជារថយន្តឆេះ? 

មានហេតុផលជាច្រើនដែលកើតចេញពីកត្តារួមផ្សំគ្នាដូចជា ការធ្វេសប្រហែសក្នុងការថែទាំរថយន្តរបស់អ្នក ការខូចទ្រនាប់ការពារ លេចធ្លាយ (មិនថាទ្រនាប់ប្រេងឥន្ធនៈ ឬទ្រនាប់ការពារប្រេងរអិល) ឬប្រព័ន្ធខ្សែភ្លើងដែលមានបញ្ហាហានិភ័យកើនឡើង។​ ការកែឆ្នៃរថយន្តខុសបច្ចេកទេស ការកែប្រែប្រព័ន្ធខ្សែភ្លើង ដោយអ្នកបច្ចេកទេសដែលគ្មានជំនាញច្បាស់លាស់ ការនាំយកយានជំនិះពីស្តង់ដារអឺរ៉ុប និងការកែប្រែប្រព័ន្ធបង្ហូរប្រេង (ចំហេះ) ដើម្បីដំណើរការជាមួយនិងលក្ខខណ្ឌ ប្រេងឥន្ធនៈរបស់ប្រទេសយើង អាចនាំឱ្យឡើងកំដៅ។

នៅពេលដែលម៉ាស៊ីនឡើងកំដៅខ្លាំង សារធាតុរាវរបស់វាដូចជាប្រេង និងទឹកស្អំម៉ាស៊ីនកើនឡើងដល់សីតុណ្ហភាពខ្ពស់ ហើយចាប់ផ្តើមហៀរចេញ ដែលអាចបញ្ឆេះលើផ្នែកម៉ាស៊ីនក្តៅ ឬប្រព័ន្ធបង្ហូរប្រេង​​​​​​​​​​(ចំហេះ)ដែលជាហេតុនាំឲ្យមានភ្លើងឆេះ​​​​ និង ការប្រើប្រាស់គ្រឿងបន្លាស់ដែលមានតម្លៃទាប មិនមែនជារបស់ពិតក៏អាចរួមចំណែកដល់ហានិភ័យផងដែរ។

សម្រាប់ Khmer Car Deal ក៏យល់ស្របជាមួយ​លោក Sajai ដែរ ដែលករណីឆេះរថយន្តនេះគឺអាចនឹងកើតឡើងចំពោះគ្រប់រថយន្តទាំងអស់ ប្រសិនបើអ្នកប្រើប្រាស់មិនបានថែទាំគ្រប់គ្រាន់ និង ពិនិត្យអោយបានច្បាស់លាស់មុនពេលធ្វើដំណើរ មិនថារថយន្តម៉ាកណាក៏ដោយ ប្រសិនបើមានករណីលេចប្រេង បិទគម្របប្រេងមិនជិត លេចធ្លាយកៅស៊ូ ឬ លេចទឹកស្អំ​ គឺសុទ្ធសឹងតែជាបញ្ហាដែលអាចបង្ករអោយមានការឆាបឆេះរថយន្តនេះឯង។

ហេតុអ្វីបានជាបញ្ហានៅតែបន្តកើតមានឡើង បើទោះជាមានសន្និសីទសារព័ត៌មានកាលពីឆ្នាំមុន?  

ពួកយើងបានយកចិត្តទុកដាក់ចំពោះរឿងនេះជានិច្ច ហើយយើងបានអនុវត្តយុទ្ធនាការត្រួតពិនិត្យដោយឥតគិតថ្លៃ សម្រាប់រថយន្ត Land Rover គ្រប់ប្រភេទ ដើម្បីធានាថារថយន្ត Land Rover ទាំងអស់មានសុវត្ថិភាពនៅលើដងផ្លូវ។ យើងបានខិតខំប្រឹងប្រែងដើម្បីចែករំលែកព័ត៌មានសំខាន់ៗនឹងចំណេះដឹងទៅកាន់អតិថិជន Land Rover ទាំងអស់បន្ទាប់ពីរថយន្ត Land Rover ដំបូងបានឆាបឆេះនៅលើដងផ្លូវល្បឿនលឿន។ 

ក្នុងអំឡុងសន្និសីទសារព័ត៌មានកាលពីឆ្នាំមុន យើងបានសង្កត់ធ្ងន់លើសារៈសំខាន់នៃការប្រើប្រាស់គ្រឿងបន្លាស់ពិតប្រាកដ និងការជួសជុលដែលធ្វើឡើងដោយអ្នកបច្ចេកទេសទទួលការបណ្តុះបណ្តាលពីចក្រភពអង់គ្លេស។ យើងពិតជាចង់ត្រួតពិនិត្យរថយន្តដែលបានឆេះទាំងនោះដើម្បីស្វែងរកមូលហេតុដែលបានកើតឡើង ប៉ុន្តែគួរអោយសោកស្តាយ ដែលរថយន្តទាំងនោះ មិនធ្លាប់បានទទួលសេវាកម្មរបស់យើងឡើយ​ ដូច្នេះហើយ យើងពុំមានទិន្នន័យក្នុងប្រព័ន្ធដើម្បីត្រួតពិនិត្យពីមូលហេតុ ដែលបានកើតឡើងនោះទេ។

Khmer Car Deal ក៏យល់ស្របនិងចង់បន្ថែមពីលើនេះទៀត ដែលក្នុងរយៈពេលប្រមាណ ២ ទៅ ៣ ឆ្នាំចុងក្រោយនេះ សន្ទុះនៃការគាំទ្ររថយន្ត Land Rover បានកើនឡើងគួរអោយកត់សំគាល់ ដែលបានឡើងខ្ពស់រហូតស្ថិតនៅកម្រិតលេខ ២ បន្ទាប់ពីរថយន្តម៉ាក Lexus ដូច្នេះហើយ រាល់ព័ត៌មានដែលទាក់ទងទៅនឹងរថយន្ត Land Rover តែងតែមានចំណាប់អារម្មណ៍ខ្ពស់ពីសំណាក់មហាជន ក៏ដូចជាខាងសារព័ត៌មានផងដែរ។​ ដូច្នេះហើយទើបយើងតែងតែឃើញ រថយន្តឆេះនៅលើដងផ្លូវជារថយន្ត Land Rover ដែលរថយន្ត ម៉ាកផ្សេងៗទៀតក៏ធ្លាប់មានព័ត៌មានចុះផ្សាយដែរដូចជារថយន្តម៉ាក Lexus Toyota ជាដើម។

តើមានវិធីអ្វីការពាររថយន្តពីការឆាបឆេះ? 

ដើម្បីការពារសុវត្តិភាពយានយន្ត និងសុវត្តិភាពរបស់លោកអ្នក សូមអញ្ចើញយករថយន្ត មកត្រួតពិនិត្យឲ្យបានទៀងទាត់សម្រាប់ការថែទាំ តាមកាលកំណត់ដោយប្រើប្រាស់គ្រឿងបន្លាស់ពិតប្រាកដរបស់ Land Rover និងការផ្ដល់សេវាកម្មដោយអ្នកបច្ចេកទេសដែលបានទទួលការបណ្តុះបណ្តាលយ៉ាងច្បាស់លាល់។

នៅពេលលោកអ្នកមកទទួលសេវាកម្មពីមជ្ឈមណ្ឌលតំហែទាំរថយន្ត Land Rover Cambodia យើងចាប់ផ្តើមតាមដានស្ថានភាពសុខភាពរបស់រថយន្តតាមស្តង់ដារបស់ មជ្ឈមណ្ឌលតំហែទាំរថយន្តយើង ជាមួយនឹងកំណត់ត្រានៃប្រវត្តិសេវាកម្មរបស់រថយន្ត និងណែនាំការជួសជុលចាំបាច់ណាមួយ ដើម្បីបង្ការពីហានិភ័យណាមួយដែលនឹកស្មានមិនដល់នៅលើដងផ្លូវ។ Khmer Car Deal “ជាធម្មតាគ្មាននណារម្នាក់ដែលមានសម្មត្ថភាពជួសជុលរថយន្ត ល្អជាងអ្នកផលិតរថយន្តនោះទេ ព្រោះអ្នកផលិតបានសិក្សានិងស្វែងយល់គ្រប់គ្រឿងបន្លាស់ទាំងអស់ ដើម្បីផ្គុំរាប់ពាន់គ្រឿងបង្គុំ និងគ្រឿងបន្លាស់ដើម្បីផលិតបានជារថយន្តមួយគ្រឿង ដូច្នេះហើយការជួសជុលដោយក្រុមការងារដែលបានឆ្លងកាត់ការ សិក្សា បណ្តុះបណ្តាល និង ប្រលងជាច្រើនដំណាក់កាលពីក្រុមហ៊ុនដោយផ្ទាល់ពិតជាផ្តល់បាននូវទំនុកចិត្ត និង ភាពកក់ក្តៅដល់ម្ចាស់រថយន្តជាក់ជាមិនខាន បើទោះបីជាតំលៃ រាងថ្លៃជាងយាន្តដ្ឋាននៅខាងក្រៅក៏ពិតមែន ប៉ុន្តែ គេនឹងអាចធានាបាននូវសុវត្ថិភាពល្អ គ្រឿងបន្លាស់ពិតប្រាកដ់ និងមិនមានហានិភ័យ ក៏ដូចជាសុខភាពផ្លូវចិត្តល្អ ពេលធ្វើដំណើរផ្លូវឆ្ងាយ។ ដែលបងប្អូនអាចស្វែងយល់បន្ថែមផ្ទាល់ពីលោក សៀង រិទ្ធ ប្រធានផ្នែករោងជាងនៃ Land Rover Cambodia នៅខាងក្រោមនេះ

ចែករំលែកអំពីទំនុកចិត្តរបស់គាត់ក្នុងការជួសជុលរថយន្ត

យើងមានក្រុមជំនាញដែលមានតុល្យភាពនៅក្នុងសេវាកម្មមេកានិក និងផ្នែករោគវិនិច្ឆ័យនៃកំហូចរថយន្ត  អ្នកបច្ចេកទេសរបស់យើងទាំងអស់ត្រូវបានចុះឈ្មោះនៅក្នុងវេទិកាបណ្តុះបណ្តាល Land Rover ដោយបន្តការបណ្តុះបណ្តាលជាប្រចាំតាមរយៈថ្នាក់អនឡាញ និង រៀនផ្ទាល់នៅក្នុងថ្នាក់នៅសាលាបណ្តុះបណ្តាល Land Rover ក្នុងប្រទេសសិង្ហបុរី និងចក្រភពអង់គ្លេស។ នេះធានាថាក្រុមបច្ចេកទេសរបស់យើងរក្សាបាននូវចំណេះដឹង និងបច្ចេកវិទ្យាចុងក្រោយបំផុត។ ការរួមបញ្ចូលគ្នានៃបទពិសោធន៍របស់ពួកគេជាមួយនឹងការប្រើប្រាស់ឧបករណ៍វិនិច្ឆ័យពិតប្រាកដដែលមានប្រភពផ្ទាល់ពីរោងចក្រ Land Rover UK យើងអាចផ្តល់ឱ្យអ្នកនូវសេវាកម្មស្តង់ដារពិភពលោក Land Rover នៅក្នុងប្រទេសកម្ពុជា។

របៀបទំនាក់ទំនងជាមួយអតិថិជនជាមុនរបស់ក្រុមហ៊ុន Land Rover Cambodia

ក្រុមការងារផ្នែកទំនាក់ទំនងរបស់ពួកយើងគឺតែងតែរៀបចំរួចរាល់ជានិច្ចសម្រាប់ការទំនាក់ទំនងទៅកាន់អតិថិជន។ ពួកគាត់តែងតែផ្ដល់ព័ត៌មានថ្មីៗដែលបានបញ្ចូលពីខាងរោងចក្រដូចជា Software Update ឬ ក៏មានការតម្លើងថ្មីនៃផ្នែកណាមួយនៃរថយន្តដែលបានណែនាំពីខាងរោងចក្រពីចក្រភពអង់គ្លេសផ្ទាល់។ ក្រុមការងាររបស់ពួកយើងធានាថារថយន្តរបស់លោកអ្នកគឺស្ថិតនៅក្នុងស្ថានភាពល្អបំផុត។

ការយល់ឃើញពីសំណាក់អតិថិជនដែលយករថយន្តមកជួសជុលផ្ទាល់នៅក្រុមហ៊ុន Land Rover Cambodia
លោក គួច លេងឃាង ៖​ “ខ្ញុំទិញឡាន Defender ពី RMA ព្រោះខ្ញុំជឿជាក់ និងទុកចិត្តលើគុណភាព និងសេវាកម្មរបស់ក្រុមហ៊ុន! ហើយខ្ញុំតែងតែទទួលបានការយកចិត្តទុកដាក់ពីផ្នែកសេវាកម្មរបស់ក្រុមហ៊ុន ដើម្បីត្រួតពិនិត្យឡាន ផ្លាស់ប្តូរប្រេងម៉ាស៊ីន និងការឆែកប្រព័ន្ធសុវត្ថិភាពជាដើម ជាពិសេសពេលត្រូវដល់ពេលមកឆែក រឺពេលត្រូវទៅឆ្ងាយម្តងៗ! ខ្ញុំមិនដែរបារម្ភទេ សឹងតែទិញឡានហើយចាំតែចាក់សាំង និងដូរប្រេងម៉ាស៊ីន តែប៉ុណ្ណឹង ។ មកកន្លែងរងចាំជួសជុលរថយន្តវិញស្ងាត់ល្អមានអាហារសំរន់ កាហ្វេ កន្លែងអង្គុយរងធំទូលាយស្អាត ខ្ញុំអាចអង្គុយរងចាំបណ្តើរធ្វើការបណ្តើរមិនខាតពេល

ពីមុនខ្ញុំយកឡានទៅធ្វើខាងក្រៅគិតថាធូរថ្លៃជាង ហើយហើយឥឡូវបន្ទាប់ពីខ្ញុំមកទទួលសេវាកម្មជាមួយក្រុមហ៊ុន Land Rover Cambodia គឺខ្ញុំអស់កង្វល់តែម្តង ហើយខ្ញុំតែងតែមកត្រួតពិនិត្យពេលដែលខ្ញុំធ្វើដំណើរផ្លូវឆ្ងាយជាមួយ តំលៃសមរម្យ ជាងល្អ គ្រឿងបន្លាស់ទុកចិត្ត ហើយឃើញរឿងឆេះថ្មីៗកាន់តែចង់មកអោយជាងជំនាញមើលអោយ ព្រោះថាសុវត្ថិភាពឡានមួយរឿង តែសុវត្ថិភាពអ្នកជិះ គ្រួសារយើងកាន់តែសំខាន់”

មធ្យោបាយដ៏ល្អបំផុត ធ្វើការជាវរថយន្តពី Land Rover Cambodia នាំចូលផ្តាច់មុខដោយ RMA Cambodia និងទទួលសិទ្ធចែកចាយផ្ទាល់ពីរោងចក្រ Land Rover United Kingdom និងបំពាក់ដោយស្តង់ដារធានាពីរោងចក្ររយៈពេល 3 ឆ្នាំ ឫ ១០០,០០០ គីឡូ។

ទំនាក់ទំនងផ្នែកលក់ – 070999111

ទំនាក់ទំនងផ្នែកសេវាកម្ម – 070999222